Dereva wa Anthony Joshua ameshtakiwa baada ya ajali nchini Nigeria ambayo ilimjeruhi bondia huyo na kuwaua marafiki zake wawili wa karibu, polisi wamesema.
Adeniyi Mobolaji Kayode, mwenye umri wa miaka 46, alishtakiwa katika Mahakama ya Hakimu Mkazi ya Sagamu Ijumaa (Januari 2).
Waendesha mashtaka wamemshtaki Bw. Kayode kwa kusababisha kifo kwa kuendesha gari mwendo wa hatari, kuendesha gari kwa uzembe , kuendesha gari bila uangalifu unaofaa, na kuendesha gari bila leseni halali ya udereva. Kesi hiyo imeahirishwa hadi Januari 20
Bondia huyo alipelekwa hospitalini Jumatatu baada ya kuokolewa kutoka kwenye mabaki ya ajali ya gari nchini Nigeria ambapo wawili walifariki.
Bingwa huyo wa zamani wa uzani wa dunia mara mbili wa Uingereza, 36, aliondolewa kwenye gari aina ya SUV lililokuwa limeharibika kwenye barabara kuu ya Lagos-Ibadan, lakini alipata majeraha madogo tu, na aliruhusiwa kutoka hospitalini Jumatano.
Gari lake liligongana na lori lililokuwa limeegeshwa kando ya barabara kuu, kulingana na Kikosi cha Usalama Barabarani cha Nigeria.