Mshambuliaji wa kimataifa wa Brazil, Richarlison, ameibuka shujaa wa Tottenham Hotspur baada ya kufunga bao la dakika za lala salama na kulazimisha sare ya 1-1 dhidi ya Liverpool katika mchezo wa Ligi Kuu ya Uingereza uliopigwa Jumapili jioni.
Mchezo ulianza kwa kasi huku Liverpool wakionekana kudhamiria kurejea kwenye nafasi nne za juu. Juhudi zao zililipa mapema katika dakika ya 18 pale kiungo Dominik Szoboszlai alipopiga faulo ya fundi iliyozama nyavuni na kuwaacha Spurs wakiwa wamepigwa na butwaa. Licha ya kuongoza, Liverpool walionekana kukosa makali ya kumaliza mchezo, huku wakipoteza nafasi kadhaa kupitia kwa Mohamed Salah na Cody Gakpo.
Spurs Wapambana Kujiondoa Kwenye Janga ambalo wamekuwa wakipitia kipindi kigumu wakiwa na mfululizo wa vipigo vitano, walionyesha ari mpya chini ya kocha wa muda Igor Tudor. Richarlison alikuwa mwiba mchungu kwa safu ya ulinzi ya Liverpool muda wote wa mchezo.
Juhudi za Spurs zilikuja kuzaa matunda katika dakika ya 89, pale Randal Kolo Muani alipofanya kazi nzuri na kumpasia Richarlison, ambaye hakufanya makosa na kupiga shuti lililomshinda kipa Alisson Becker na kusawazisha bao hilo.
Athari za Matokeo Kwenye Msimamo Sare hii imekuwa na maumivu makali kwa Liverpool kwani imeshindwa kurejea kwenye nafasi nne za juu (Top Four), ikibaki nafasi ya tano ikiwa na pointi 49.
Kwa upande wa Tottenham, pointi hii ni ya dhahabu katika harakati zao za kukwepa kushuka daraja. Sasa wanashika nafasi ya 16 wakiwa na pointi 30, pointi moja pekee juu ya timu zinazoshika nafasi za mkiani. Licha ya kutoshinda katika mechi 12 mfululizo, mashabiki wa Spurs walionekana kushangilia sare hiyo kama ushindi kutokana na ugumu wa uwanja wa Anfield.