RONALDO AFUNGUKA KWA UCHUNGU BAADA YA KUPOTEZA
Safari ya miamba ya soka ya Ureno katika michuano ya Kombe la Dunia la FIFA 2026 imefikia tamati kwa masikitiko makubwa baada ya kukubali kichapo cha bao 1-0 kutoka kwa majirani zao, Uhispania (Spain), katika hatua ya 16 bora. Mchezo huo uliokuwa wa vuta-ni-kuvute na wenye presha kubwa, umeshuhudia ndoto za Ureno zikizimwa zikiwa zimebaki sekunde chache kabla ya mpira kumalizika.
Uhispania ilipata bao hilo la ushindi lililozamisha jahazi la Ureno mnamo dakika ya 90+1 kupitia kwa kiungo wao mahiri, Mikel Merino, ambaye alitumia vyema nafasi hiyo kuwapeleka mabingwa hao wa zamani wa dunia hatua ya Robo Fainali. Bao hilo la jioni liliacha majonzi makubwa kwa wachezaji na mashabiki wa Ureno waliopambana mchezo mzima kulinda lango lao.
Kutolewa kwa Ureno kunamaanisha kuwa safari ya mshambuliaji na nahodha wao wa kihistoria, Cristiano Ronaldo, katika mashindano haya makubwa duniani imefika ukingoni rasmi. Huku likiwa ndilo Kombe lake la Dunia la mwisho, kuondoka kwa CR7 kunahitimisha zama za dhahabu za mchezaji huyo mwenye ushawishi mkubwa zaidi kwenye soka la kimataifa, akiiacha timu yake ikishindwa kuvuka kizingiti hicho cha 16 bora
