TETESI: KHALID AUCHO MBIONI KUONDOKA SINGIDA BIG STARS
Kiungo mkabaji wa kimataifa wa Uganda mwenye umri wa miaka 32, Khalid Aucho, anatarajia kuachana na klabu yake ya Singida Black Stars mara baada ya msimu huu wa mashindano kufikia tamati. Taarifa zinasema kuwa mchezaji huyo ameonyesha nia ya wazi ya kutaka kutafuta changamoto mpya kwingine, jambo linaloweka rehani mustakabali wake wa kuendelea kusalia ndani ya kikosi hicho chenye maskani yake mkoani Singida.
Hatua hii inakuja wakati mkataba wa sasa wa kiungo huyo fundi na klabu ya Singida Black Stars ukiwa bado mbichi kabisa, kwani unatarajiwa kufikia ukomo wake rasmi mnamo mwezi Juni mwaka 2027. Kutokana na mkataba huo kusomeka mbele, kuondoka kwake kutalazimisha pande hizo mbili kufanya mazungumzo ya mezani ili kufikia mwafaka wa namna bora ya kusitisha ushirikiano wao kisheria.
Kwa muktadha huo, viongozi wa Singida Black Stars pamoja na wawakilishi wa Khalid Aucho wanatarajiwa kuketi pamoja hivi karibuni ili kuona namna ya kuvunja mkataba huo kwa maslahi ya pande zote mbili. Taarifa hizi zimeanza kuzua gumzo kubwa miongoni mwa wadau wa soka nchini, huku klabu mbalimbali zikianza kutajwa chini kwa chini kuziwania saini ya nahodha huyo wa zamani wa timu ya taifa ya Uganda ‘The Cranes’
