Kocha mpya wa Coastal Union, Juma Mwambusi, amesema anataka kujenga heshima kwa kuifunga Yanga kwenye mchezo utakaochezwa leo jijini Arusha.
“Nataka kujenga heshima kwa kuifunga Yanga katika mchezo huo ambao ninaamini utakuwa mgumu na wenye ushindani mkubwa, timu hizi zinapokutana mchezo hauwezi kuwa mwepesi, mchezo huwa na ushindani wakati wote,” alisema Mwambusi.
“Tunajua Yanga ni timu nzuri kwa sababu ni mabingwa hilo liko wazi, wana kikosi imara, lakini na sisi tutafanya kila linazowezekana ili kupata ushindi, hivyo mchezo utakuwa mgumu kwa pande zote.
Nilipokuwa Ihefu nilikuwa naifunga Yanga, sidhani kama kuna mbinu mpya sana wanazo, kwa hiyo najua jinsi gani ya kudili nao, mbinu zilezile nilizokuwa natumia nilipokuwa Ihefu ndiyo nitazileta Coastal Union,” amejigamba Mwambusi.
NIPASHE
