KOCHA Msaidizi wa Simba, Darian Wilken amesema mchezo wa kesho wa Ligi Kuu Tanzania Bara dhidi ya Namungo utakuwa mgumu lakini wamejipanga kuhakikisha wanapata ushindi kwenye uwanja wa nyumbani.
Kocha Wilken amesema Namungo ni timu nzuri hasa ikichangiwa na kuwa na kocha mpya, (Juma Mgunda) ambaye amewaongezea morali wachezaji wake lakini itakutana na wapinzani bora zaidi.
“Utakuwa mchezo mgumu, Namungo ni imara yenye wachezaji wazoefu na tayari imepata kocha mpya, lakini Simba ni kubwa zaidi na ipo tayari kupambana hadi mwisho kwa ajiili ya kupata pointi tatu,” amesema Kocha Wilken.