Nguli wa soka na mchezaji wa Al-Nassr ya Saudia, Cristiano Ronaldo kupitia mitandao yake ya kijamii ameandika ujumbe usemao ‘Hatukati tamaa’ ikiwa ni baada ya kufunga bao lake la 907 tangu aanze soka kwenye ushindi wa mabao 2-1 dhidi ya timu pinzani ya Al-Shabab hapo jana.
Nahodha huyo wa Ureno, alifunga bao hilo la penalti kwenye dakika za lala salama za mchezo. Ronaldo bado anaonekana kuwa na kiu ya magoli na ameshawahi kuapa kwamba lazima afikishe mabao 1,000 kabla ya kustaafu soka.