Inaelezwa kuwa Real Madrid chini ya Rais wao Florentino Perez wanafikiria namna ya kumnyakua kiungo wa FC Bayern Munich, Jamal Musiala raia wa Ujerumani.
Taarifa zinaeleza kuwa mkataba wa nyota huyo unamalizika mwaka 2026 na Bayern Munich wameonyesha nia ya kutaka kumpa mkataba mpya ila nyota huyo hajaonyesha nia ya kutaka kusaini.
Ikumbukwe Rais wa Bayern Munich, Herbert Hainer aliweka wazi siku kadhaa zilizopita kuwa anatamani nyota huyo acheze The Bavarian Kwa muda kama ilivyokuwa Kwa Thomas Mueller.
Mabingwa wa Premier League, Manchester City wamekuwa wakihusishwa na kuhitaji saini ya Musiala Kwa ajili ya kwenda kuziba pengo la Kevin De Bruyne ambae Kwa sasa ni kama jua la jioni.
Rais Real Madrid, Florentino Perez kwa sasa yupo kwenye mkakati wa kuijenga Los Blancos ambayo itakuwa imara Kwa muda mrefu zaidi na Jamal Musiala ni nyota anaeangaliwa kuja kufanya makubwa zaidi hapo baadae kwenye soka.