Atletico Madrid wapo kwenye mazungumzo na Manchester City kuhusu uhamisho wa mshambuliaji wao wa Argentina Julian Alvarez, 24. (Athletic – usajili unahitajika)
Arsenal pia wanafikiria kumnunua Alvarez, lakini The Gunners huenda wakalazimika kuwauza wachezaji zaidi ili kufadhili ununuzi wake. (Mirror)
Newcastle wanatumai kufanikisha mpango wa kumnunua beki wa Uingereza na Crystal Palace Marc Guehi, 24. (Mail)
Palace wameiambia Newcastle kwamba wanataka kulipwa £50m pamoja na nyongeza ili kumuuza Guehi. (Football Insider)
Bournemouth wanasisitiza kwamba Tottenham italazimika kutimiza masharti yao ya pauni milioni 65 ikiwa wanataka kumsajili mshambuliaji wa Uingereza Dominic Solanke, 26, msimu huu. (Mirror)
The Cherries wanamtaka mshambuliaji wa Aston Villa na England chini ya umri wa miaka 21 Cameron Archer, 22, kama mbadala wa Solanke. (Tem talk)
RB Leipzig wameidokezea Barcelona kwamba watahitaji kuboresha masharti kuhusu ombi lao la euro 61m kumnunua kiungo wa kati wa Uhispania Dani Olmo, 26, ili kukamilisha dili. (90 min)
Juventus wanakaribia kumnunua mlinzi wa Nice na Ufaransa Jean-Clair Todibo, 24, ambaye hapo awali amekuwa akihusishwa na Manchester United na West Ham. (La Gazzetta dello Sport – kwa Kiitaliano)
Juventus watarejea Atalanta na ofa ya iliyoimarishwa ya euro milioni 55 kwa ajili ya kiungo wa Uholanzi Teun Koopmeiners, 26. (Corriere dello Sport – kwa Kiitaliano)
Arsenal wanataka pauni milioni 30 pamoja na kipengele cha mauzo kilichojumuishwa katika mkataba wowote wa kumuuza mchezaji wa kimataifa wa Uingereza Eddie Nketiah, 25, huku Marseille wakimnyatia mshambuliaji huyo. (Fabrizio Romano)
Liverpool wanataka kukamilisha dili la pauni milioni 13 na Lanus kwa ajili ya beki wa wa kimataifa wa Argentina Julio Soler, ambaye wanamuona kama mbadala wa muda mrefu wa beki wa Scotland Andrew Robertson, 30. (Sun)
Jean-Philippe Mateta, 27, ana nia ya kusaini mkataba mpya na Crystal Palace huku RB Leipzig na Napoli zikiwa na mpango wa kumnunua mshambuliaji huyo wa Ufaransa. (Sun)
Southampton wanatumai kuwa watafanikiwa kusalia na mlinzi Kyle Walker-Peters, 27, katika klabu msimu huu baada ya West Ham kujiondoa katika mazungumzo ya kumsajili. (Football Insider)
Beki wa zamani wa Aberdeen Scott McKenna huenda akajiunga na Las Palmas ya La Liga. Beki huyo mwenye umri wa miaka 27 alitolewa na Nottingham Forest msimu huu wa joto. (Sun)