Crystal Palace wanatazamiwa kukataa ofa ya nne yenye thamani ya pauni milioni 65 pamoja na nyongeza kutoka kwa Newcastle kwa ajili ya beki wa kati wa England Marc Guehi, 24. (Sky Sports)
Newcastle haiko tayari kuachana na mpango wa kumnunua Guehi kwa sasa lakini klabu hiyo inazingatia chaguo lao. ( The I, )
Mlengwa mbadala anaweza kuwa mlinzi wa Chelsea Muingereza Trevoh Chalobah, 25, ambaye anavutiwa sana na mkufunzi wa Newcastle Eddie Howe. (Talksport)
Palace wamekubaliana masharti ya kibinafsi na beki wa kati wa Ufaransa Maxence Lacroix, 24, na wanashinikiza kupata mkataba na klabu yake ya Wolfsburg . (Sky Germany -In Germany)
Newcastle wanaweza kumpata winga wa Chelsea Noni Madueke kwa pauni milioni 30 lakini wanataka kumchukua kwa mkopo mchezaji huyo mwenye umri wa miaka 22 kwanza. (Football Insider)
Chelsea watafanya duru mpya ya mazungumzo na Atletico Madrid mwishoni mwa juma huku klabu hizo mbili zikijaribu kuvunja mkwamo kuhusu mikataba ya kiungo wa kati wa England Conor Gallagher na mshambuliaji wa Ureno Joao Felix, wote wakiwa na umri wa miaka 24. (Telegraph)
Merino anatazamiwa kuachwa nje ya kikosi cha Real Sociedad kitakachocheza mechi yao ya kwanza ya La Liga dhidi ya Rayo Vallecano siku ya Jumapili huku mambo yakikamilika. (Marca)
Mlinzi wa Manchester United mwenye umri wa miaka 30 kutoka Sweden Victor Lindelof analengwa na klabu ya Fiorentina ya Italia . (Gianluca Di Marzio)
Kiungo wa kati wa Tunisia Hannibal Mejbri ameambiwa ataruhusiwa tu kuondoka Manchester United kwa mkataba wa kudumu, huku Rangers na Celtic zote zikiwa na nia ya kumchukua kwa mkopo mchezaji huyo mwenye umri wa miaka 21. (Football Insider)
Kiungo wa zamani wa Liverpool Thiago Alcantara amemaliza muda mfupi wa kufanya kazi pamoja na kocha mpya wa Barcelona Hansi Flick na kurejea Merseyside. (Marca)