MASHINE za kazi zimezidi kutua ndani ya Yanga ikiwa ni maandalizi kuelekea msimu mpya wa 2024/25 unaotarajiwa kuwa na ushindani mkubwa mwanzo mwisho.
Ikumbukwe kwamba Yanga ni mabingwa watetezi wa Ligi Kuu Bara msimu ujao baada ya kutwaa taji la ligi kwa msimu wa 2023/24 na walimaliza wakiwa namba moja kwenye msimamo na pointi 80.
Kuna mashine mbili za kazi zimewasili Julai 15 2024 kuungana na wachezaji wengine ambao walishaanza mazoezi ndani ya timu hiyo ambayo inanolewa na Kocha Mkuu, Miguel Gamondi.
Ni Kennedy Musonda ambaye ni mshambuliaji huyu alikuwa anatajwa kwamba huenda angekutana na Thank You, Khalid Aucho kiungo wa kazi.
Yanga inatarajiwa kuwa na mchezo wa kirafiki wa kimataifa dhidi ya Kaizer Chiefs, unatarajiwa kuchezwa Julai 28 2024. Kaizer Chiefs kwa sasa inanolewa na Nasreddine Nabi aliyewahi kuwa kocha wa Yanga.
