Meneja Habari na Mawasiliano wa Simba, Ahmed Ally amesema mchezo wao wa mwisho wa kundi B, Dhidi ya Jwaneng Galaxy utakua wa kulipiza kisasikwa timu hiyo ya Botwasana.
Simba itaikaribisha Jwaneng Machi 2, mwaka huu katika Uwanja wa Benjamin Mkapa ambapo inahitaji ushindi wa pointi tatu ili iweze kufuzu hatua ya robo fainali Ligi ya Mabingwa.
“Vita ya kisasi kila mtu anatakiwa kutumia silaha yake, Mwanasimba mwenye silaha yoyote, dua yoyote afanye tukamfanye vibaya Jwaneng Galaxy. Tukishinda tutakuwa na faida tatu, moja kuingia robo fainali, ya pili kulipa kisasi na ya tatu kuingia kwenye historia kuingia robo fainali mara nne mfululizo,” amesema Ahmed.
Simba yenye pointi sita na kushika nafasi ya pili kwenye kundi B ambalo linaongozwa na ASEC Mimosas yenye pointi 11 huku Jwaneng Galax ikiwa nafasi ya mwisho na pointi zake nne na Wydad ikiwa nafasi ya tatu na pointi sita.